بارکھان : بلوچستان کے ضلع بارکھان میں آج زلزلے کے جھٹکے محسوس کیے گئے ہیں۔ زلزلہ پیما مرکز کے مطابق، بارکھان میں زلزلے کی شدت 3.9 اور گہرائی 12 کلومیٹر ریکارڈ کی گئی ہے۔ زلزلے کا مرکز بارکھان سے 59 کلومیٹر شمال مغرب میں تھا۔ خوش قسمتی سے، اس زلزلے کے باعث فوری طور پر کسی قسم کے جانی یا مالی نقصان کی اطلاع نہیں ملی۔
اس سے قبل عید کے روز کراچی کے مختلف علاقوں میں بھی زلزلے کے جھٹکے محسوس کیے گئے تھے۔ کراچی میں زلزلے کی شدت 4.7 ریکارڈ کی گئی تھی، اور اس کا مرکز کراچی کے شمال میں 75 کلومیٹر دور تھا۔ زلزلے کے جھٹکے شام 4 بج کر 11 منٹ پر محسوس ہوئے۔