لاہور:محکمۂ انسدادِ دہشت گردی (سی ٹی ڈی) نے پنجاب کے مختلف شہروں میں 162 آپریشنز کی کامیاب کارروائیوں کے دوران 20 دہشت گردوں کو گرفتار کر لیا۔ ترجمان سی ٹی ڈی کے مطابق یہ آپریشنز لاہور، فیصل آباد، خانیوال، بہاولنگر، راولپنڈی، چنیوٹ، میانوالی، ساہیوال، شیخوپورہ، سیالکوٹ، بہاولپور اور حافظ آباد میں کیے گئے۔
لاہور سے فتنہ الخوارج کے 2 دہشت گردوں اور راولپنڈی سے ایک خطرناک دہشت گرد منموہن سنگھ کو گرفتار کیا گیا۔ سی ٹی ڈی ترجمان نے بتایا کہ دہشت گردوں کے قبضے سے دھماکہ خیز مواد اور ڈیٹونیٹر برآمد ہوئے ہیں، اور یہ دہشت گرد مختلف مقامات پر دہشت گردی کی کارروائیاں کرنا چاہتے تھے، لیکن بروقت کارروائی کے ذریعے ان کے منصوبوں کو ناکام بنا دیا گیا۔