معرکہ حق کا ایک سال مکمل: "دشمن دوبارہ جرات نہیں کرے گا"، خیبرپختونخوا کے عوام کا پاک فوج سے مکمل یکجہتی کا اظہار

پشاور/کالام : "معرکہ حق" کو ایک سال مکمل ہونے پر خیبرپختونخوا کے غیور عوام نے پاک فوج کے ساتھ بے مثال یکجہتی کا اظہار کیا ہے۔ شہریوں کا کہنا ہے کہ 7 مئی کو بھارت نے جو بزدلانہ مہم جوئی کی تھی، اسے سرحدوں پر الرٹ پاک فوج نے جس طرح خاک میں ملایا، وہ تاریخ کا سنہرا باب بن چکا ہے۔
صوبے کے مختلف اضلاع سے تعلق رکھنے والے شہریوں نے میڈیا سے گفتگو کرتے ہوئے کہا کہ بھارت نے ایک سال قبل بزدلانہ حملہ کر کے پاکستان کی سالمیت کو چیلنج کرنے کی کوشش کی تھی، لیکن پاک فوج کے شاہینوں اور جری جوانوں نے دشمن کے ناپاک عزائم کو لمحوں میں ملیا میٹ کر دیا۔
خیبرپختونخوا کے عوام نے عزم ظاہر کیا ہے کہ  معرکہ حق کے دوران پوری قوم، بالخصوص سرحدوں پر آباد شہری اپنی فوج کے شانہ بشانہ کھڑے رہے۔    عسکری مہارت: پاک فوج کے منہ توڑ جواب نے ثابت کر دیا کہ پاکستان کا دفاع ناقابلِ تسخیر ہے۔ شہریوں کا کہنا تھا کہ بھارت اب ایسی ہمت کرنے سے پہلے دس بار سوچے گا کیونکہ اسے معلوم ہے کہ یہاں کی مٹی کا ہر بیٹا سپاہی ہے۔
معرکہ حق کی مناسبت سے منعقدہ تقریبات اور عوامی اجتماعات میں اس بات پر زور دیا گیا کہ پاک فوج کی پیشہ ورانہ مہارت اور عوام کے جذبے نے مل کر دشمن کے "ہائبرڈ وارفیئر" اور پروپیگنڈے کو شکست دی ہے۔ خیبرپختونخوا کے عوام نے اس عہد کی تجدید کی کہ وہ مادرِ وطن کے دفاع کے لیے کسی بھی قربانی سے دریغ نہیں کریں گے۔