کابل :نئی حکومت کا اعلان ہو یا نہ ہو لیکن افغان طالبان نے کابل کی سڑکوں پر آزادی مبارک کی وال چاکنگ کر دی ، جس پرامریکی افواج کے انخلا کو آزادی کی بہار قرار دیا گیا ہے۔
افغان میڈیا رپورٹ مطابق طالبان کی طرف سے نئی حکومت کے اعلان کو ایک ہفتے کیلئے موخر کر دیا گیا لیکن دوسری طرف طالبان نے کابل کی سڑکوں پر آزادی مبارک کی وال چاکنگ کر کے دنیا کو پیغام دیدیا کہ ہم نے جنگ جیت لی ہے ،طالبان نے کابل میں دوحہ قطر معاہدے کو بھی دیوار پر پینٹ کیا ہے ،جب ملا برادر اور زلمے خلیل زاد ایک دوسرے سے ہاتھ ملارہے تھے۔
Happy freedom wall chalking is being done on the streets of #Kabul. Withdrawal of #US troops declared spring of independence pic.twitter.com/vVxS7DUfqi
— Islamic Emirates Of Afghanistan????️ (@TalibanSoldiers) September 3, 2021
طالبان نے اپنے رہنما ملا ہیبت اللہ کی طرف سے ایک پیغام بھی لکھا ہے کہ دشمن کے پروپیگنڈے پر بھروسہ نہ کریں۔
The Taliban painted the Doha-Qatar agreement on the wall in #Kabul as Mullah Baradar and Zalmay Khalilzad shook hands. The #Taliban also wrote a message from its leader, Mullah Hebatullah, saying:Don't trust on enemy propaganda pic.twitter.com/vGbyunK9RK
— Islamic Emirates Of Afghanistan????️ (@TalibanSoldiers) September 3, 2021
واضح رہے اس سے قبل طالبان کی جانب سے نئی حکومت کا اعلان آج نماز جمعہ کے بعد متوقع تھا تاہم اب ایک ہفتے بعد کابینہ کا اعلان کیا جائے گا۔
عالمی خبر رساں ادارے اے ایف پی سے بات کرتے ہوئے ترجمان طالبان ذبیح اللہ مجاہد نے کہا ہے کہ نئی حکومت کے قیام کا اعلان ہفتے تک مؤخر کر دیا گیا ہے۔ قبل ازیں کہا جا رہا تھا کہ نماز جمعہ کے بعد طالبان نئی حکومت کا اعلان کر دیں گے۔
