کراچی: یومِ دفاع و شہداء کے موقع پر پاکستانی شوبز انڈسٹری سے وابستہ معروف فنکاروں اور ہدایت کاروں نے وطن سے اپنی محبت کا اظہار کرتے ہوئے شہداء اور غازیوں کو خراجِ عقیدت پیش کیا۔
شوبز شخصیات نے اپنے پیغامات میں ملک کے دفاع کے لیے جانوں کا نذرانہ دینے والے بہادر سپوتوں کی قربانیوں اور جرأت کو سلام پیش کیا اور کہا کہ قوم اپنے شہداء کی قربانیوں کو ہمیشہ یاد رکھے گی۔
فنکاروں کا کہنا تھا کہ پاکستانی قوم نے ہر مشکل گھڑی میں حوصلے، عزم اور ثابت قدمی کا مظاہرہ کیا ہے۔ ان کے مطابق ملک کی ترقی اور روشن مستقبل کے لیے قومی اتحاد اور یکجہتی کو مزید مضبوط بنانے کی ضرورت ہے۔
شوبز شخصیات نے اس عزم کا بھی اظہار کیا کہ پاکستان کی سلامتی اور خودمختاری کے تحفظ کے لیے پوری قوم متحد ہے اور ملک کے خلاف کسی بھی چیلنج کا مقابلہ اتحاد اور یکجہتی کے ساتھ کیا جائے گا۔
فنکاروں نے یومِ دفاع و شہداء کو ان عظیم پاکستانیوں کو یاد کرنے کا اہم موقع قرار دیا جنہوں نے مادرِ وطن کی حفاظت کے لیے اپنی جانیں قربان کیں، جبکہ اس دن کو قومی یکجہتی اور ملکی ترقی کے عزم کی تجدید کا دن بھی قرار دیا۔