کیلیفورنیا: واٹس ایپ نے اپنے اسٹیٹس اپ ڈیٹس فیچر میں ایک نیا اپ ڈیٹ متعارف کرایا ہے جس سے صارفین کو اپنے اسٹیٹس کو ان افراد سے شیئر کرنے کی سہولت ملے گی جنہیں وہ اپنے کانٹیکٹس میں شامل نہیں کرتے، مگر ان کے ساتھ ماضی میں چیٹ یا کال کی ہو۔
WABetaInfo کی رپورٹ کے مطابق، یہ فیچر فی الحال کچھ محدود خطوں میں آزمائشی طور پر متعارف کرایا گیا ہے۔ اس فیچر کے ذریعے، صارفین وہ اسٹیٹس ایسے افراد کے ساتھ شیئر کر سکیں گے جو ان کے کانٹیکٹس میں تو نہیں ہیں، مگر ان سے رابطہ ہو چکا ہے، جیسے کہ حالیہ میسجز یا کالز۔
یہ فیچر اس سے پہلے واٹس ایپ کے بیٹا ورژن میں اینڈرائیڈ ڈیوائسز کے لیے کلوز فرینڈز آپشن کے طور پر سامنے آیا تھا، جس میں صارفین مخصوص افراد کو ہی اسٹیٹس دکھا سکتے تھے۔
اب واٹس ایپ نے اسٹیٹس اپ ڈیٹس کو زیادہ افراد تک پہنچانے کا طریقہ کار تیار کیا ہے۔ اس فیچر کی مدد سے، آپ ایسے افراد کو بھی اپنے اسٹیٹس دکھا سکیں گے جنہیں آپ نے اپنے کانٹیکٹس میں محفوظ نہیں کیا، لیکن آپ کی ان کے ساتھ کوئی ماضی کی بات چیت ہو چکی ہو۔