کراچی : گورنرسندھ محمد زبیر عمر نے کہا ہے کہ کراچی پاکستان کا معاشی حب ہے اور جب شہر ترقی نہیں کرتا تو ملک آگے نہیں بڑھتا ہے۔ نجی یونیورسٹی کے کا نووکیشن سے خطاب کرتے ہوئے گورنر سندھ محمد زبیرعمر نے کہا کہ منفی خبریں کراچی کے کاروبار کے لئے اچھی نہیں. ماضی میں 10 منٹ میں کراچی بند ہوجاتا تھا. جلائوگھیرئوا اورہڑتال کراچی کی پہچان بن گئے تھے اورخراب حالات کی وجہ سے سرمایہ کاری آنا رک گئی تھی.
سرمایہ کار صرف یہ پوچھتا ہے کہ حالات کتنے پر امن ہیں کیونکہ کراچی پاکستان کا معاشی حب ہے اور کراچی ترقی نہیں کرتا تو ملک آگے نہیں بڑھتا ہے جب کہ 3 سال کے پہلے پاکستان اور اب کے پاکستان بہت فرق ہے۔گورنرسندھ محمد زبیرکا کہنا تھا کہ کشمیریوں سے اظہارِ یکجہتی ضروری ہے. ہم لڑجھگڑکر مسئلہ حل نہیں کرنا چاہتے. کشمیر کا مسئلہ تمام پاکستانیوں کے لیے بہت اہمیت رکھتا ہے جب کہ مذاکرات سے مسائل کا حل پاکستان اوربھارت کے عوام کے لیے بہتر ہے۔
