لاہور : محکمہ موسمیات نے آج ملک بھر میں موسم سرد رہنے اور تیز ہوائیں چلنے کی پیشگوئی کی ہے۔ اس کے مطابق، ملک کے بیشتر علاقوں میں موسم خشک رہے گا جبکہ پہاڑی علاقوں میں رات کے اوقات میں سردی بڑھنے کی توقع ہے۔
اسلام آباد اور گرد و نواح میں موسم سرد اور خشک رہنے کا امکان ہے۔ خیبرپختونخوا کے بیشتر اضلاع میں بھی موسم سرد اور خشک رہے گا، تاہم شمالی اضلاع میں رات کے اوقات میں شدید سردی کی پیشگوئی کی گئی ہے۔ دن کے اوقات میں جنوبی اضلاع میں تیز ہوائیں چلنے کی توقع ہے۔
پنجاب کے بیشتر اضلاع میں موسم خشک رہنے کی پیشگوئی کی گئی ہے، تاہم مری، گلیات اور گرد و نواح میں موسم سرد اور رات کے اوقات میں شدید سرد رہنے کا امکان ظاہر کیا گیا ہے۔
بلوچستان کے بیشتر اضلاع میں موسم خشک رہنے کے ساتھ ساتھ شمالی اضلاع میں سرد موسم اور تیز ہواؤں کی پیشگوئی کی گئی ہے۔ سندھ کے بیشتر اضلاع میں موسم خشک رہنے کا امکان ہے۔ کشمیر اور گلگت بلتستان میں بھی موسم سرد اور خشک رہنے کی توقع کی جا رہی ہے۔