اسلام آباد : سینیٹ کا اجلاس ڈپٹی چیئرمین سیدال خان ناصر کی زیر صدارت جاری تھا، جس دوران پی ٹی آئی ارکان نے عون عباس بپی کی گرفتاری کے خلاف سینیٹ سے واک آؤٹ کر دیا۔
ڈپٹی چیئرمین سینیٹ نے اس معاملے پر بات کرتے ہوئے کہا کہ "عون عباس بپی کی اس ہاؤس میں اتنی ہی عزت ہے جتنی سب کی ہے، اور ہم اس ہاؤس کو کسی کے دباؤ یا پریشر میں آ کر نہیں چلائیں گے، اجلاس قانون کے مطابق چلے گا۔"
وزیر قانون اور سینیٹر اعظم نذیر تارڑ نے عون عباس بپی کی گرفتاری پر وضاحت دیتے ہوئے کہا کہ ان پر وائلڈ لائف کے تحت مقدمہ درج کیا گیا ہے، اور یہ ایک صوبائی معاملہ ہے۔ انہوں نے یہ بھی کہا کہ جتنا ممکن ہوا، وہ صوبائی حکومت سے بات کریں گے تاکہ معزز رکن کے حق میں اقدامات کیے جا سکیں۔