اسلام آباد:سپریم کورٹ نے 9 مئی کے ملزمان کی ضمانت منسوخی کے لیے دائر حکومتی اپیلوں کو سماعت کے لیے مقرر کر دیا ہے۔ چیف جسٹس کی سربراہی میں سپریم کورٹ کا تین رکنی بینچ 10 مارچ سے ان اپیلوں پر سماعت کرے گا۔
اس بینچ میں چیف جسٹس کے علاوہ جسٹس مسرت ہلالی اور جسٹس میاں گل حسن اورنگزیب شامل ہوں گے۔ پنجاب حکومت نے 9 مئی کے ملزمان کی ضمانتیں منسوخ کرنے کے لیے عدالت سے رجوع کیا تھا۔
مزید برآں، 9 مئی کے ملزمان کی ضمانت منسوخی کی 16 اپیلوں پر سماعت 11 مارچ کو کی جائے گی، جبکہ 12 مارچ کو تین رکنی بینچ 9 مئی کے ملزمان کی ضمانت منسوخی کی 8 اپیلوں کی سماعت کرے گا۔