بیجنگ: کیا آپ ایسا اسمارٹ فون استعمال کرنا پسند کریں گے جس کے سامنے اور پیچھے دونوں جانب اسکرین موجود ہو؟ اگر ہاں تو چینی کمپنی بگ می کا نیا فون آپ کو ضرور حیران کر دے گا۔
کمپنی کا نیا ماڈل بگ می ہائی بریک ڈوئل ایک منفرد ڈوئل اسکرین فون ہے، جس کے سامنے ایک ایل سی ڈی پینل اور پیچھے ایک رنگین ای-انک اسکرین دی گئی ہے، جسے خاص طور پر ای بکس اور طویل ریڈنگ کے لیے استعمال کیا جا سکتا ہے۔
بگ می کا کہنا ہے کہ یہ دنیا کا پہلا اسمارٹ فون ہے جس کے دونوں طرف اسکرینیں موجود ہیں، تاہم ابھی فون کی دیگر تفصیلات سامنے نہیں آئیں۔
کمپنی ای-انک فونز بنانے کے لیے مشہور ہے، اور اسکرین کی خاصیت یہ ہے کہ بیٹری کی زندگی طویل ہوتی ہے اور آنکھوں پر دباؤ کم پڑتا ہے۔
فون کی قیمت اور مارکیٹ میں دستیابی کے بارے میں ابھی کوئی اعلان نہیں کیا گیا ہے۔