علاقائی امن کے لیے پاکستان کی کوششیں رنگ لے آئیں: ترک صدر کا وزیراعظم شہباز شریف کو ٹیلی فون

اسلام آباد: ترکیہ کے صدر رجب طیب اردوان نے وزیراعظم پاکستان محمد شہباز شریف کو ٹیلی فون کیا اور خطے میں بڑھتی ہوئی کشیدگی کے خاتمے کے لیے پاکستان کے تاریخی امن اقدامات پر انہیں خصوصی مبارکباد پیش کی۔
دونوں رہنماؤں کے درمیان ہونے والی اس اہم گفتگو میں علاقائی صورتحال اور عالمی امن پر تفصیلی تبادلہ خیال کیا گیا۔ صدر اردوان نے پاکستان کے مصالحتی کردار کی تعریف کرتے ہوئے کہا کہ پاکستان نے ایک بار پھر ثابت کیا ہے کہ وہ خطے میں استحکام کے لیے ایک کلیدی اہمیت رکھتا ہے۔
    پاکستانی اقدامات کی توثیق: ترک صدر نے پاکستان کی جانب سے امن کے لیے کی جانے والی مخلصانہ کوششوں کو عالمی سطح پر ایک مثبت مثال قرار دیا۔ شہباز شریف نے حوصلہ افزائی پر صدر اردوان کا شکریہ ادا کرتے ہوئے کہا کہ پاکستان خطے میں پائیدار امن کے قیام کے لیے اپنی کوششیں جاری رکھے گا۔دونوں رہنماؤں نے اس بات پر اتفاق کیا کہ برادر ممالک کے درمیان اس طرح کا تعاون عالمی بحرانوں کے حل میں مددگار ثابت ہوگا۔پاکستان کی امن پسندی اور مذاکرات کے ذریعے مسائل حل کرنے کی پالیسی کو ترکیہ جیسے قریبی دوست ملک کی جانب سے سراہا جانا ہماری خارجہ پالیسی کی بڑی کامیابی ہے۔