کراچی: پاکستان شوبز انڈسٹری کی معروف اداکارہ مہوش حیات نے دو روز قبل اپنے ساتھ پیش آنیوالے ایک ناخوشگوار واقعے پر انسٹاگرام سٹوری میں ردعمل کا اظہار کیا ہے۔
تفصیلات کے مطابق سوشل میڈیا پرایک ویڈیو سامنے آئی ہے جس میں اداکارہ کسی تقریب میں موجود ہیں جہاں مہوش حیات کے ساتھ ایک شخص تصویر بنوانے کیلئے کھڑا ہے اور اس دوران اداکارہ کی کمر پر ہاتھ رکھنے کی کوشش کر تا ہے تاہم ایک دوسرا شخص فوری ہاتھ کو پیچھے جھٹک دیتا ہے ، جس پر ہال میں موجود ایک خاتون بھی ہاتھ ہٹانے والے شخص کے اقدام کو سراہتی ہیں۔
9a79808e070db8986f54b4ecd9f312f3
اداکارہ مہوش حیات نے بھی اپنی انسٹا گرام سٹوری پر یہ ویڈیو شئیر کی اور اپنے ردِ عمل کا اظہار کرتے ہوئے کہا کہ ’افسوس ہوتاکہ جب مداح سمجھتے ہیں کہ فنکاروں کیساتھ ضرورت سے زیادہ آزادی لے سکتے ہیں‘ ۔
انہوں نے اپنی سٹوری میں ان دونوں افراد کا بھی شکریہ ادا کیا جنہوں نے اس واقعے کی طرف اداکارہ کی توجہ دلائی اور کمر پر ہاتھ رکھنے والے شخص کو پیچھے ہٹایا۔
10f76c78571b550a6101aba2d70f3d89
واضح رہے کہ پاکستان میں تمغہ امتیاز حاصل کرنیوالی اداکارہ مہوش حیات سوشل میڈیا پر کافی متحرک رہتی ہیں اور مداحوں کیلئے اپنی تصاویر اور ویڈیوز مختلف سوشل میڈیا اکاؤنٹس پر شئیر کرتی رہتی ہیں تاکہ اپنی مصروفیات سے آگاہ کر سکیں۔
