ایران میں 'رجیم چینج' ممکن نہیں: امریکی انٹیلی جنس ایجنسیوں کی مشترکہ رپورٹ منظرِ عام پر

واشنگٹن : امریکہ کی تمام 18 انٹیلی جنس ایجنسیوں پر مشتمل کمیونٹی نے اپنی تازہ ترین رپورٹ میں انکشاف کیا ہے کہ ایران میں حکومت کی تبدیلی (Regime Change) فی الحال ممکن نہیں۔ امریکی اخبار 'واشنگٹن پوسٹ' کے مطابق یہ رپورٹ ایران پر حالیہ بڑے پیمانے کے حملوں سے محض ایک ہفتہ قبل مکمل کی گئی تھی، جس میں ایرانی نظام کی مضبوطی کا اعتراف کیا گیا ہے۔
امریکی انٹیلی جنس کی اس جامع رپورٹ میں تہران کی سیاسی اور فوجی صورتحال کے حوالے سے درج ذیل اہم نکات بیان کیے گئے ہیں۔ 
 رپورٹ کے مطابق، ایران پر حالیہ بڑے پیمانے کے حملوں کے باوجود وہاں کی حکومت کو ختم نہیں کیا جا سکا اور نہ ہی مستقبل قریب میں ایسا کوئی امکان نظر آتا ہے۔انٹیلی جنس ایجنسیوں کا کہنا ہے کہ ایرانی اپوزیشن اس پوزیشن میں نہیں ہے کہ وہ ملک کا کنٹرول سنبھال سکے یا موجودہ نظام کے لیے کوئی بڑا خطرہ پیدا کر سکے۔
 رپورٹ میں واضح کیا گیا ہے کہ بیرونی حملے ایرانی فوجی قیادت کے ڈھانچے کو مکمل طور پر ختم کرنے میں کامیاب نہیں ہو سکتے۔
'واشنگٹن پوسٹ' کے مطابق، یہ رپورٹ ایک ایسے وقت میں تیار کی گئی جب خطے میں کشیدگی عروج پر تھی۔ رپورٹ اس حقیقت کی نشاندہی کرتی ہے کہ ایران کا اندرونی دفاعی اور سیاسی ڈھانچہ بیرونی دباؤ اور فوجی کارروائیوں کے باوجود اپنی جگہ قائم رہنے کی بھرپور صلاحیت رکھتا ہے۔