فیصل واوڈا کی نا اہلی پر بلاول بھٹو کی اپنی جماعت کو مبارکباد

اہم خبریں پاکستان 
  نیوویب ڈیسک
فیصل واوڈا کی نا اہلی پر بلاول بھٹو کی اپنی جماعت کو مبارکباد

کراچی: چیئرمین پاکستان پیپلز پارٹی (پی پی پی) بلاول بھٹو زرداری نے پی ٹی آئی رہنما فیصل واوڈا کی نااہلی پر تبصرہ کرتے ہوئے اپنی جماعت کو مبارکباد پیش کر دی۔

تفصیلات کے مطابق بلاول بھٹو نے دوہری شہریت کیس میں الیکشن کمیشن کی جانب سے فیصل واوڈا کو نااہل قرار  دئیے جانے کے فیصلے پر تبصرہ کرتے ہوئے لکھا کہ ’پی ٹی آئی  کی ایک اور وکٹ گِر گئی، مبارک ہو ٹیم پیپلز پارٹی‘

واضح رہے  کہ الیکشن کمیشن نے  کاغذات نامزدگی میں دوہری شہریت چھپانے کے الزام سے متعلق کیس کا محفوظ فیصلہ سناتے ہوئے پی ٹی آئی رہنما فیصل واوڈا  کو آرٹیکل 62 ون ایف کے تحت  تا حیات نا اہل قرار دیا ہے۔

اسحاق ڈار ڈپٹی وزیراعظم مقرر

الیکشن کمیشن کے مطابق فیصل واوڈا نے  کاغذات نامزدگی جمع کراتے وقت غلط حلف نامہ جمع کرایا۔ تاہم امریکی شہریت چھپانے پر فیصل واوڈا کی بطور سینیٹ کی کامیابی کا نوٹیفکیشن واپس لیا جاتا ہے۔الیکشن کمیشن نے بطور رکن قومی اسمبلی، سینیٹر اور وفاقی وزیر مراعات اور تنخواہ واپس کرنے کا حکم دے دیا۔فیصل واوڈا فیصلے کو سپریم کورٹ  میں فیصلے کو چیلنج  کرسکتے ہیں۔

خیال رہے  کہ  فیصل واوڈا کے خلاف کیس 21 جنوری 2020 کو دائر کیا گیا،الیکشن کمیشن نے فیصل واوڈا کیس کی 23 سماعتیں کیں۔ پہلی سماعت 3 فروری 2020 کو ہوئی ،قادر مندوخیل ، میاں فیصل اور میاں آصف محمود نے درخواستیں دی تھیں۔

امریکا سے ہزاروں ڈالر دے کر کینسر کا علاج کرایا، اس وقت سوچا تھا میرے ملک میں کتنے لوگ اتنے مہنگے علاج کے قابل ہیں؟ وزیر اعلیٰ بنتے ہی اچھے ہسپتال بنائے: وزیر اعظم

نااہلی  کیس کا فیصلہ 23 دسمبر 2021 کو محفوظ  کیا گیا تھا  ۔اب الیکشن کمیشن نے دوسال  کی سماعت کے بعد فیصل واؤڈا نااہلی کیس کا فیصلہ سنایا۔

واضح رہے کہ فیصل واوڈا کیس اسلام آباد ہائیکورٹ میں بھی زیرسماعت رہا،اسلام آباد ہائیکورٹ نے الیکشن کمیشن کو 2 مہینوں میں معاملہ نمٹانے کی ہدایت کی تھی۔

پی ٹی آئی رہنما فیصل واوڈا نے مارچ 2021 میں  بطور رکن قومی اسمبلی استعفیٰ دیا تھا ،فیصل واوڈا نےالیکشن کمیشن کو  نااہلی کیس کا فیصلہ کرنے سے روکنے کے لیے سندھ ہائیکورٹ سے بھی رجوع کیا تھا۔

60 سالہ خاتون نے  مس یونیورس کا  ٹائٹل اپنے نام کرلیا

مصنف کے بارے میں