تل ابیب: اسرائیل کے فوجی سربراہ، لیفٹیننٹ جنرل ایال زامیر نے خبردار کیا ہے کہ ملک میں نافذ ہنگامی حالت طویل عرصے تک جاری رہ سکتی ہے کیونکہ مشرق وسطیٰ میں جنگ ابھی ختم نہیں ہوئی۔
جنرل زامیر نے کہا کہ اسرائیل گزشتہ دو سال سے ہنگامی حالت میں ہے اور عوام کو صبر کے ساتھ اس کے لیے تیار رہنا چاہیے۔ انہوں نے خبردار کیا کہ حزب اللہ کے حملے بھاری قیمت پر پڑیں گے۔
انہوں نے مزید کہا کہ رات کے دوران بیروت میں ایرانی قدس فورس کے خلاف کارروائی کی گئی اور کوئی بھی جگہ محفوظ نہیں۔ شمالی علاقوں میں فائرنگ کے واقعے اور حزب اللہ کے گزشتہ حملوں میں دو اسرائیلی فوجیوں کی ہلاکت کا بھی ذکر کیا گیا۔