لاہور :وزیراعلی پنجاب عثمان بزدار کا کہنا ہے اس سال پنجاب میں تاریخ کا سب سےبڑا ترقیاتی بجٹ لگایا جا رہا ہے، جو صرف ایک شہر یا ریجن کا نہیں پنجاب کے ہر علاقےکا ترقیاتی بجٹ ہے۔
وزیر اعلیٰ پنجاب نے کہا سالانہ بجٹ میں 560 ارب کے ڈویلپمنٹ فنڈز رکھے گئے تھے جس میں ہم نے 85 ارب کا اضافہ کر کے ڈویلپمنٹ بجٹ کو 645 ارب روپے کرنے کی منظوری دے دی ہے۔
2a78a11c7c63a885a78371eebe66774a
انہوں نے کہا سالانہ ترقیاتی بجٹ میں سے اب تک 42 فیصد فنڈز ریلیز کیے جا چکے ہیں،زیر تکمیل منصوبہ جات پر تیزی سے کام جاری ہے اور نئے منصوبہ جات کی بھی متعلقہ فورمز سے منظوری اور ٹینڈرنگ کے بعد ڈویلپمنٹ کا مرحلہ شروع ہو چکا ہے،ہمارا عزم پنجاب کے ہر علاقے کی یکساں ترقی ہے۔
