اسلام آباد : جےآئی ٹی رپورٹ پرمریم نواز نے ٹوئٹ کرتے ہوئے کہا کہ جےآئی ٹی رپورٹ کومستردکرتےہیں .مریم نواز نے کہا کہ سپریم کورٹ میں رپورٹ کے ہر تضاد کا نا صرف مقابلہ بلکہ اسےختم کیاجائے گا.انہوں نے کہا کہ قومی خزانےکاایک پیسہ بھی استعمال نہیں کیا.جے آئی ٹی رپورٹ کے ہرتضاد کا سپریم کورٹ میں مقابلہ کیاجائےگا.
یاد رہے کہ پاناما کیس کی تحقیقات کیلئے بنائی جانیوالی جے آئی ٹی نے آج اپنی چوتھی اور آخری رپورٹ سپریم کورٹ میں پیش کی جس میں جے آئی ٹی نے وزیراعظم نوازشریف ،حسن نواز ،حسین نواز اور مریم نواز کیخلاف نیب میں ریفرنس دائر کرنے کی سفارش کی ہے ۔تفصیلات کے مطابق جے آئی ٹی کا اپنی رپورٹ میں کہنا ہے کہ مدعاعلیہان کی ظاہرکردہ دولت اور ذرائع آمدن میں واضح فرق ہے،معلوم ذرائع آمدن اور ان کے رہن سہن میں تضاد کی نشاندہی ہو ئی ہے اور اس بنا پر وزیراعظم نوازشریف ،مریم ، حسن نواز اور حسین نواز کیخلاف نیب میں ریفرنس دائر کیا جائے ۔
بڑی رقوم کی قرض اور تحفے کی شکل میں بے قاعدگی سے ترسیل کی گئی ہے ،بے قاعدہ ترسیلات لندن کی ہل میٹل کمپنی،یواے ای کی کیپٹل ایف زیڈای کمپنیوں سے کی گئیں ،بے قاعدہ ترسیلات اور قرض نوازشریف،مریم نواز، حسین نواز اور حسن نواز کو ملا۔ نوازشریف،حسین ،حسن نوازجے آئی ٹی کے سامنے رقوم کی ترسیلات کی وجوہات نہیں بتاسکے۔جے آئی ٹی کا اپنی رپورٹ میں کہناہے کہ یہ رقوم سعودی عرب میں ہل میٹل کمپنی کی طرف سے ترسیل کی گئیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں