اسلام آباد : چیف جسٹس پاکستان یحییٰ آفریدی نے خواتین ججز کے عالمی دن کے موقع پر اپنے پیغام میں کہا ہے کہ انصاف کی فراہمی میں خواتین ججز کا کردار قابل ستائش ہے ۔ انہوں نے پاکستان میں عدلیہ میں خواتین کی بڑھتی ہوئی نمائندگی کو خوش آئند قرار دیتے ہوئے کہا کہ خواتین ججز کی خدمات کو تسلیم کرنا ہمارا فرض ہے۔
انہوں نے مزید کہا کہ صنفی مساوات اور عدلیہ میں خواتین کی شمولیت ایک مثبت پیش رفت ہے اور انصاف کی فراہمی میں خواتین ججز کا کردار بہت اہم ہے۔ عدالتی نظام میں شفافیت اور انصاف کے فروغ میں خواتین کا کلیدی کردار ہے، اور ہم خواتین وکلاء اور ججز کے لئے مزید سازگار ماحول فراہم کریں گے۔ چیف جسٹس کا کہنا تھا کہ انصاف تک رسائی کو حقیقت بنانے کے لئے ہم اپنے کام کو جاری رکھیں گے اور خواتین ججز کی ثابت قدمی اور دیانت داری آنے والی نسلوں کے لئے مشعلِ راہ بنے گی۔