'قومی ٹیم کا آخری میچ بھی بغیر کسی نتیجے کے ختم ہو گیا

گولڈ کوسٹ : کامن ویلتھ گیمز میں قومی ہاکی ٹیم کا چوتھا میچ بھی بغیر کسی نتیجے کے ختم ہو گیا ، قومی ٹیم کا ملائیشیا کے خلاف آخری مقابلہ اسکور 1-1 سے برابر رہا۔
کامن ویلتھ گیمز میں قومی ہاکی ٹیم میڈلز کی دوڑ سے تو باہر ہو چکی تھی تاہم ملائیشیا کے خلاف آخری گروپ میچ بھی برابری کی سطح پر ختم ہوا۔ پہلے کوارٹر میں شفقت رسول نے گول کرتے ہوئے گرین شرٹس کو برتری دلائی جو پہلے ہاف میں برقرار رہی تاہم تیسرے کوارٹر میں ملائیشیا کے رمضان روسلی نے گیند کو جال میں پھینکتے ہوئے مقابلہ برابرکردیا۔پاکستان کو میچ میں 6 پنالٹی کارنرز ملے لیکن ایک بھی کارآمد نہ ہو سکا، حریف ٹیم کے چاروں پنالٹی کارنرز بھی پاکستانی گول کیپر نے ناکام بنائے۔
واضح رہے کہ قومی ہاکی ٹیم نے پہلا میچ ویلز کے ساتھ کھیلا جو برابر ہوا، اس کے بعد روایتی حریف بھارت، انگلینڈ اور اب ملائیشیا کے ساتھ میچز بھی ڈرا ہوئے اور کامن ویلتھ گیمز میں گرین شرٹس کا سفر تمام ہو گیا۔