اسلام آباد : پاکستان کے صدر آصف علی زرداری نے سائنس اور ٹیکنالوجی کے شعبے میں خواتین کی شاندار کارکردگی کو سراہتے ہوئے عالمی دن کے موقع پر ایک پیغام جاری کیا ہے۔ انہوں نے کہا کہ پاکستانی خواتین سائنس اور ٹیکنالوجی میں نمایاں کردار ادا کرتے ہوئے قومی ترقی میں اہم حصہ ڈال رہی ہیں۔
صدر زرداری نے اس بات پر زور دیا کہ ملک کی جامعات میں خواتین کی طلباء کی تعداد 50 فیصد سے تجاوز کر چکی ہے، جو کہ اس بات کا غماز ہے کہ خواتین تعلیم اور تحقیق کے میدان میں تیزی سے آگے بڑھ رہی ہیں۔ انہوں نے اس بات کا بھی ذکر کیا کہ پاکستانی خواتین انجینئرنگ، میڈیکل، کمپیوٹنگ اور بایوٹیکنالوجی جیسے اہم شعبوں میں تحقیق کی قیادت کر رہی ہیں۔
انہوں نے COMSTECH کے پلیٹ فارم کے تحت مسلم دنیا میں سائنسی تعاون کو فروغ دینے میں خواتین کے کردار کی اہمیت کو بھی تسلیم کیا۔ صدر زرداری نے نرگس ماولوالا، تسنیم زہرا حسین اور مہیرہ عبدالغنی جیسی ممتاز سائنسدانوں کا خصوصی ذکر کرتے ہوئے کہا کہ پوری قوم کو ان پر فخر ہے۔
آخر میں، انہوں نے اس عزم کا اعادہ کیا کہ پاکستان خواتین کو سائنسی قیادت اور تعلیم میں مساوی مواقع فراہم کرنے کے لیے اپنے وعدوں پر قائم رہے گا اور خواتین کا سائنسی مستقبل مزید روشن اور مستحکم بنائیں گے۔