کیلیفورنیا :میٹا نے اپنی سوشل میڈیا ایپ تھریڈز میں تقریباً دو سال بعد ایک اہم فیچر یعنی ڈائریکٹ میسجز (ڈی ایم) کو شامل کر دیا ہے۔ یہ فیچر صارفین کو ایک دوسرے کے ساتھ ذاتی پیغامات کے ذریعے رابطہ کرنے کی اجازت دیتا ہے۔
میٹا کے سی ای او مارک زکربرگ نے اس فیچر کی آزمائش کا اعلان کرتے ہوئے کہا کہ یہ سہولت ہانگ کانگ، تھائی لینڈ اور ارجنٹینا میں متعارف کروائی جا رہی ہے۔ دیگر ممالک میں اسے آنے والے مہینوں میں وسعت دی جائے گی۔
تھریڈز ایپ میں نیچے لفافے کے آئیکون کی صورت میں ڈی ایم فیچر موجود ہوگا، جسے صارفین آسانی سے استعمال کر سکیں گے۔ کمپنی کے مطابق، موجودہ سرچ آئیکون کو جلد اوپر منتقل کر دیا جائے گا تاکہ جگہ ڈی ایم کے لیے دی جا سکے۔
یہ نیا اضافہ اس پلیٹ فارم کے صارفین کی تعداد 30 کروڑ سے تجاوز کرنے کے بعد آیا ہے، اور میٹا تھریڈز کو ایکس (ٹوئٹر) کے مقابلے میں مضبوط بنانے کی کوششوں کا حصہ ہے۔