واشنگٹن : امریکی صدر ڈونلڈ ٹرمپ نے کہا ہے کہ انہوں نے اسرائیلی وزیراعظم نیتن یاہو سے ملاقات کے دوران انہیں بتایا کہ ایران کے ساتھ ڈیل کرنا ان کی ترجیح ہے۔ ٹروتھ سوشل پر جاری اپنے بیان میں ٹرمپ نے بتایا کہ اس ملاقات میں نیتن یاہو کے کئی نمائندے بھی موجود تھے، اور ملاقات مثبت رہی۔
ٹرمپ نے کہا کہ انہوں نے نیتن یاہو سے ایران کے ساتھ مذاکرات جاری رکھنے پر زور دیا ہے، اور ایران سے ممکنہ ڈیل کو ترجیح دینے کی بات کی ہے۔ ان کا کہنا تھا کہ اس بار ایران سے مذاکرات میں یہ دیکھنا ہوگا کہ آیا کوئی ڈیل ہوتی ہے یا نہیں۔
اگر ڈیل نہیں ہوتی تو ٹرمپ نے کہا کہ وہ نتائج کا جائزہ لیں گے، اور پچھلی بار جب ایران نے ڈیل نہ کرنے کا فیصلہ کیا تھا تو اس کے بعد ایران کو "مڈ نائٹ ہیمر بمباری" کا سامنا کرنا پڑا تھا، جو ایران کے لیے اچھی ثابت نہیں ہوئی تھی۔
ٹرمپ نے مزید کہا کہ انہیں امید ہے کہ ایران کا رویہ اس بار زیادہ ذمہ دار اور معقول ہوگا۔ اس کے علاوہ، انہوں نے غزہ میں ہونے والی پیشرفت پر بھی اسرائیلی وزیراعظم سے بات چیت کی۔