وزیراعلیٰ پنجاب مریم نواز اور وفاقی وزیر داخلہ محسن نقوی نے یومِ شہدائے کشمیر کے موقع پر کشمیری شہداء کو خراج عقیدت پیش کیا ہے۔
مریم نواز نے اپنے پیغام میں کہا کہ 13 جولائی 1931 کے 22 شہداء سمیت ہر کشمیری شہید کا لہو آزادی کی عظیم داستان ہے۔ انہوں نے کہا کہ کشمیریوں کو ان کا جائز حق دلوانے کے لیے عالمی برادری کو مؤثر کردار ادا کرنا چاہیے۔
وفاقی وزیر داخلہ محسن نقوی نے کہا کہ کشمیری شہداء نے اپنے لہو سے حق اور انصاف کی جدوجہد کو نئی سمت دی۔ انہوں نے اس عزم کا اظہار کیا کہ پاکستان کشمیریوں کے حقِ خودارادیت کی حمایت ہر عالمی فورم پر جاری رکھے گا۔