کراچی : محکمہ موسمیات کے مطابق رواں سال کا پہلا مکمل چاند گرہن کل (بروز جمعہ) 14 مارچ کو پاکستانی وقت کے مطابق صبح 8 بج کر 57 منٹ پر شروع ہوگا۔ چاند کو مکمل گرہن صبح 11 بج کر 58 منٹ پر لگے گا اور یہ 3 بجے تک جاری رہے گا۔
محکمہ موسمیات کا کہنا ہے کہ چاند گرہن کے دوران آسمان سرخ رنگ کی روشنی سے منور ہو جائے گا، اور یہ تقریبا تین سال بعد پہلا چاند گرہن ہوگا، جو کہ آخری بار 2022 میں دیکھا گیا تھا۔ چاند گرہن کے اس موقع پر بتایا گیا ہے کہ چونکہ یہ دن کے اوقات میں ہوگا، اس لئے پاکستان میں اس چاند گرہن کو دیکھنا ممکن نہیں ہوگا، تاہم یہ نظارہ شمالی اور جنوبی امریکا میں دیکھا جا ئے گا۔
یاد رہے کہ چاند گرہن اس وقت ہوتا ہے جب زمین سورج اور چاند کے درمیان آ جاتی ہے۔ سورج گرہن کی طرح چاند گرہن کو کھلی آنکھ سے دیکھنے سے بصارت کو کوئی نقصان نہیں ہوتا۔ دوسری جانب، رواں سال کا پہلا سورج گرہن 29 مارچ کو ہوگا، تاہم یہ پاکستان میں دکھائی نہیں دے گا۔