دبئی: بھارت کی وزیر خارجہ سشما سوراج نے پاکستان سے تعلق رکھنے والے کم عمر پاکستانی بچے کو فوری طور پر میڈیکل ویزا فراہم کرنے ہدایات جاری کیں ہیں۔دبئی میں رہائش پذیر پاکستانی شہری توقیر علی کا کم سن بیٹا دل کی ایک نایاب بیماری میں مبتلا ہے جس کا علاج بھارت میں ہی ممکن ہے۔
توقیر علی نے بھارتی ویزا کے لیے دبئی میں واقع بھارتی قونصلیٹ آفس سے 18 ستمبر کو رجوع کیا مگر تاحال اسے اب تک ویزا نہیں ملا جس پر پاکستانی شہری نے بہتر سمجھا کہ اسے مدد کے لیے بھارتی وزیر خارجہ سے رابطہ کرنا چاہیے۔
f51f4744613ad02c3374b8c5c93c8745توقیر علی نے ٹوئٹر پر وزیر خارجہ کو مخاطب کیا اور کہا کہ میرا بیٹا دل کے ایک ایسے عارضے میں مبتلا ہے جس کا علاج پاکستان میں ممکن نہیں، اسے علاج کے لیے اوپن ہارٹ سرجری کی ضرورت ہے جس کے اسپیشلسٹ بھارت میں موجود ہیں، میں آپ سے مدد کی اپیل کرتا ہوں، 18 ستمبر سے بیٹے کے لیے ویزا کی درخواست دی ہے جو کہ تاحال نہیں ملا۔
بھارتی وزیر خارجہ سشما سوراج نے توقیر کے ٹوئٹ کا فوری جواب دیا اور کہا کہ وہ مایوس نہ ہوں، انہیں اور بیٹے کو ویزا دلانے کے لیے دبئی میں بھارتی ویزا آفس کو ہدایات جاری کردی گئی ہیں اور جلد ہی انہیں بھارتی ویزا دے دیا جائے گا۔
