کراچی: کاروباری ہفتے کے آغاز پر پاکستان سٹاک ایکسچینج میں زبردست تیزی دیکھنے میں آئی، 100 انڈیکس 1308 پوائنٹس اضافے کے ساتھ ایک بار پھر 1 لاکھ 16 ہزار کی سطح عبور کر گیا۔
پیر کو کاروبار کے آغاز پر سرمایہ کاروں کا اعتماد بحال رہا، جس کے نتیجے میں انڈیکس 116,162 پوائنٹس پر جا پہنچا۔ گزشتہ ہفتے کے آخری روز 100 انڈیکس 114,854 پر بند ہوا تھا۔ ادھر کرنسی مارکیٹ میں بھی قدرے بہتری دیکھنے کو ملی، جہاں انٹر بینک میں ڈالر کی قیمت میں 7 پیسے کی کمی ریکارڈ کی گئی۔ ایکسچینج کمپنیز ایسوسی ایشن کے مطابق ڈالر اس وقت 280 روپے 40 پیسے پر ٹریڈ ہورہا ہے۔