اسلام آباد : ترک صدر رجب طیب ایردوان نے اپنے دورہ پاکستان کے دوران صدر مملکت آصف زرداری اور وزیر اعظم شہباز شریف کو ترک ساختہ الیکٹرک گاڑی کا تحفہ پیش کیا۔
وزیر اعظم ہاؤس پہنچنے پر وزیر اعظم شہباز شریف کو گاڑی تحفے میں دی گئی، جہاں وزیر اعظم نے ترک صدر کے ہمراہ گاڑی میں بیٹھ کر ڈرائیو کی۔ اس کے بعد ترک صدر ایوان صدر گئے اور صدر آصف زرداری کو بھی ایک الیکٹرک گاڑی کا تحفہ پیش کیا۔ اس موقع پر خاتون اول آصفہ بھٹو زرداری نے گاڑی کو ڈرائیو کیا، اور ترک صدر فرنٹ سیٹ پر ان کے ساتھ بیٹھے رہے۔ صدر زرداری اور وزیر اعظم شہباز شریف نے ترک صدر کا تحفہ قبول کرتے ہوئے ان کا شکریہ ادا کیا۔