کراچی:پاکستان میں سونے کی فی تولہ قیمت میں 4700 روپے کا بڑا اضافہ ہو گیا ہے، جس کے بعد سونے کی قیمت 3 لاکھ 14 ہزار روپے کی بلند ترین سطح تک پہنچ گئی ہے۔
آل پاکستان جیمز اینڈ جیولرز ایسوسی ایشن کے مطابق، آج سونے کی فی تولہ قیمت میں 4700 روپے کا اضافہ ہوا ہے، جس کے نتیجے میں فی تولہ سونے کی قیمت 3 لاکھ 14 ہزار روپے ہو گئی۔ ایسوسی ایشن نے بتایا کہ 10 گرام سونے کی قیمت میں 4030 روپے کا اضافہ ہوا، جس کے بعد اس کی قیمت 2 لاکھ 69 ہزار 204 روپے تک پہنچ گئی ہے۔
عالمی بازار میں بھی سونے کی قیمت 46 ڈالر کے اضافے کے ساتھ 2988 ڈالر فی اونس تک پہنچ چکی ہے۔
واضح رہے کہ سونے کی قیمت میں اضافے کا سلسلہ گزشتہ کئی دنوں سے جاری ہے، اور گزشتہ روز بھی سونے کی قیمت میں 2800 روپے کا اضافہ ہوا تھا۔