نوجوان نسل اور قومی سلامتی: ڈی جی آئی ایس پی آر کا لاہور کے تعلیمی اداروں کا اہم دورہ

راولپنڈی : پاک فوج کے شعبہ تعلقات عامہ (ISPR) کے ڈائریکٹر جنرل نے لاہور کے ممتاز تعلیمی اداروں کا دورہ کیا، جہاں انہوں نے مستقبل کے معماروں اور اساتذہ کے ساتھ قومی سلامتی اور جدید دور کے چیلنجز پر سیر حاصل گفتگو کی۔ڈی جی آئی ایس پی آر نے لاہور کے درج ذیل اداروں کا دورہ کیا۔    ایچی سن کالج (Aitchison College)،    یونیورسٹی آف انجینئرنگ اینڈ ٹیکنالوجی (UET)،    لاہور کالج فار وومین یونیورسٹی (LCWU)۔
تعلیمی اداروں میں منعقدہ خصوصی نشستوں کے دوران درج ذیل کلیدی امور پر تفصیلی تبادلہ خیال کیا گیا۔ ملک کو درپیش اندرونی و بیرونی خطرات اور دفاعی استحکام۔    ہائبرڈ وار فیئر: ڈیجیٹل دور میں پروپیگنڈے اور ففتھ جنریشن وار فیئر کا مقابلہ کرنے کی حکمتِ عملی۔    نوجوانوں کا کردار: ملکی تعمیر و ترقی اور استحکام میں نوجوان نسل کی ذمہ داریاں۔ بدلتی ہوئی عالمی صورتحال اور پاکستان کے لیے نئے چیلنجز۔
اس موقع پر اساتذہ اور طلباء میں شدید جوش و خروش دیکھا گیا۔ اساتذہ نے پاک فوج کو خراجِ تحسین پیش کرتے ہوئے واضح کیا کہ  جس دن بھی ملک کو ضرورت پیش آئی، پاکستان کے تمام اساتذہ اور طلباء اپنے دفاع کے لیے پاک فوج کے شانہ بشانہ کھڑے ہوں گے۔