تہران : ایرانی پاسدارانِ انقلاب نے آپریشن وعدہ صادق کے تحت مشرقِ وسطیٰ میں امریکی تنصیبات اور اسرائیل کو نشانہ بنانے کی نئی لہر شروع کر دی ہے۔ ایران کے مطابق، سعودی عرب میں امریکی فوجی اڈوں، ایف 35 اور ایف 16 تربیتی مراکز کو میزائل حملوں سے نشانہ بنایا گیا۔ یہ حملہ شہید ابو القاسم بابائیان اور ان کی زوجہ کی یاد میں کیا گیا۔
عرب میڈیا کے مطابق، 28 فروری سے جاری جھڑپوں میں ایران میں 1444 افراد ہلاک ہوئے جبکہ لبنان میں 826 افراد مارے گئے۔ اسرائیل میں 14 افراد ہلاک ہوئے، اور امریکی افواج کے 11 اہلکار، یواے ای میں 6، سعودی عرب میں 2، عراق میں 26، کویت میں 6، عمان میں 3 اور بحرین میں 2 جان بحق ہوئے۔
ایران نے متحدہ عرب امارات میں فجیرہ پورٹ پر ڈرون حملہ کیا، جس سے آگ بھڑک اٹھی اور آئل لوڈنگ کا عمل عارضی طور پر معطل ہوا۔ اسرائیل میں تل ابیب میں 20 دھماکے ہوئے، اور متعدد مقامات پر آگ لگی۔
ایرانی فوج نے امریکی افواج کو خطے سے اپنی صنعتیں دور رکھنے کی ہدایت دی اور شہریوں کو امریکی اڈوں کے قریب نہ جانے کی تنبیہ کی۔ برطانیہ نے مشرقِ وسطیٰ میں انٹرسیپٹر ڈرون بھیجنے پر غور شروع کر دیا ہے۔
عالمی سطح پر ایران کے لیے امداد بھی پہنچائی جا رہی ہے: روس نے طبی سامان بھیجا اور چین نے سکول حملے سے متاثرہ خاندانوں کے لیے عطیات دینے کا اعلان کیا۔
ایرانی فوج نے اسرائیلی حملے میں بریگیڈیئر جنرل عبداللہ جلالی کی شہادت کی تصدیق کی، جو دفاعی کارروائیوں کی قیادت کر رہے تھے۔