تہران : ایرانی چیف آف سٹاف میجر جنرل عبدالرحیم موسوی نے امریکی صدر ڈونلڈ ٹرمپ کے غیر محتاط بیانات پر سخت ردعمل ظاہر کرتے ہوئے کہا کہ ایران کے ساتھ لڑائی ٹرمپ کے لیے ایک ناقابل فراموش سبق ثابت ہوگی۔
ایک بیان میں انہوں نے کہا کہ ٹرمپ کے بیانات ایک سربراہ مملکت کے شایان شان نہیں ہیں، اور اگر ٹرمپ واقعی جنگ چاہتے ہیں تو مذاکرات کی بات کیوں کر رہے ہیں؟ موسوی نے کہا کہ اگر جنگ ہوئی تو اس کے اثرات امریکا کے لیے سنگین ہوں گے۔
اس دوران ایران اور امریکا کے درمیان مذاکرات کا دوسرا دور عمان کی سربراہی میں منگل سے جنیوا میں شروع ہونے جا رہا ہے، جس میں ایرانی وزیر خارجہ سفارتی اور تکنیکی وفد کے ہمراہ شرکت کرنے کے لیے سوئٹزرلینڈ روانہ ہوگئے ہیں۔
یہ مذاکرات اُس وقت شروع ہو رہے ہیں جب ٹرمپ انتظامیہ کی جانب سے ایران پر دباؤ بڑھانے کا سلسلہ جاری ہے۔ حالیہ دنوں میں امریکی وزیر خارجہ مائیک پومپیو نے کہا تھا کہ ایران کے ساتھ آج تک کوئی کامیاب معاہدہ نہیں ہو سکا، اور اگر مذاکرات کامیاب نہ ہوئے تو امریکا قانون کے مطابق اپنے اقدامات کرے گا۔