لاہور: انٹرنیشنل کرکٹ کونسل (آئی سی سی) کی جانب سے انٹرنیشنل کرکٹ میں باﺅلنگ پر پابندی عائد ہونے کے بعد پروفیسر میدان میں آ گئے ہیں اور ایسا بیان جاری کیا ہے کہ آپ بھی داد دینے پر مجبور ہو جائیں گے۔
سماجی رابطوں کی ویب سائٹ ٹوئٹر پر جاری اپنے پیغام میں محمد حفیظ نے باﺅلنگ ایکشن پر محنت کرنے اور دوبارہ انٹرنیشنل کرکٹ میں باﺅلنگ کرانے کے عزم کا اظہار کیا۔
انہوں نے اپنے پیغام میں لکھا ”آئی سی سی کی جانب سے باﺅلنگ ایکشن کی رپورٹ کے بارے میں جان کر افسوس ہوا۔ اس سے میرا عزم نہیں ٹوٹے گا اور میں ہمت نہیں ہاروں گا، باﺅلنگ ایکشن تبدیل کرنے کیلئے بہت محنت کی تھی، لیکن اب میں اور بھی محنت کروں گا تاکہ اپنے ملک کی خدمت کر سکوں۔“
