راولپنڈی:پاکستان تحریک انصاف (پی ٹی آئی) پنجاب کی چیف آرگنائزر عالیہ حمزہ کو راولپنڈی ڈسٹرکٹ کورٹ نے جوڈیشل ریمانڈ پر جیل بھیجنے کا حکم دے دیا ہے۔
عدالت میں عالیہ حمزہ سمیت پانچ کارکنان کے خلاف کارِ سرکار میں مداخلت اور پولیس سے مزاحمت کے الزامات پر درج مقدمے کی سماعت ہوئی۔ فریقین کے دلائل مکمل ہونے کے بعد عدالت نے محفوظ فیصلہ سنایا، جس کے تحت عالیہ حمزہ، نعمان اور عادل منیر کو جوڈیشل ریمانڈ پر جیل بھیجا گیا۔
یاد رہے کہ پی ٹی آئی رہنماؤں کے خلاف یہ مقدمہ تھانہ ایئرپورٹ میں درج کیا گیا تھا۔ پولیس نے ان تمام افراد کو چند روز قبل ایک کارروائی کے دوران حراست میں لیا تھا۔
عدالتی فیصلے کے بعد عالیہ حمزہ اور دیگر کو سخت سیکیورٹی میں عدالت سے جیل منتقل کر دیا گیا۔