لاہور : مسلم لیگ ن کی نائب صدر مریم نواز نے عمران خان کی تقریر پر رد عمل میں کہا ہے کہ وہ چکوال میں کھڑا ہو کر اپنا آرمی چیف مانگ رہے ہیں۔
مریم نواز نےسینئر صحافی طلعت حسین کی ٹویٹ کو ری ٹویٹ کرتے ہوئے لکھا کہ انوکھا لاڈلا چکوال میں کھڑا ہو کر اپنی مرضی کا آرمی چیف مانگ رہا ہے ۔
وہ بھی چکوال میں کھڑے ہو کر ! https://t.co/Y2QXPhbliP
— Maryam Nawaz Sharif (@MaryamNSharif) September 19, 2022
واضح رہے کہ عمران خان نے چکوال میں جلسے سے خطاب کرتے کہا کہ میں ڈی جی آئی ایس پی آر سے سوال پوچھتا ہوں کہ آپ نے میری بات سمجھی نہیں اور رد عمل دے دیا۔ اب پوری قوم میرے ساتھ ہے کہ اس حکومت کو نیا آرمی چیف نہیں تعینات کرنا چاہیے۔
انہوں نے کہا کہ مسٹر ایکس اور مسٹر وائے خُفیہ نمبروں سے ہمارے بندوں کو دھمکیاں دیتے ہیں ہم بھی دھمکیاں دینگے جو کرنا ہے کرلو، ہم بھی کریں گے تم ہوتے کون ہو ہمیں دھمکیاں دینے والے ہم تمہیں بھی دیکھ لیں گے۔
انہوں نے کہا کہ موجودہ حکومت کو لانے والے غدار ہیں ۔ انہوں نے میری حکومت گرا کر غداری کی۔ قوم کو جگانا چاہتا ہوں کہ تیار ہو جائے اب موجودہ حکومت کے خلاف فائنل راؤنڈ کھیلنا ہے۔
