سڈنی : آسٹریلیا مایہ ناز کرکٹر اور سابق کپتان مائیکل کلارک گھریلو تشدد کا شکار ہوئے ہیں اور انہیں ان کی گرل فرینڈ نے پبلک پارک میں تھپڑ مار دیا۔
اس حوالے سے سامنے آنے والی ویڈیو میں دیکھا جاسکتا ہے کہ گرل فرینڈ جیڈ یاربرو نے مائیکل کلارک کو تھپڑ مارا۔میڈیا رپورٹس کے مطابق جیڈ نے مائیکل کلارک کو تھپڑ ان کے ساتھ دھوکا کرنے پر مارا ہے۔
ویڈیو میں مائیکل کلارک کو خاتون دوست کے ساتھ بحث کرتے ہوئے دیکھا جا سکتا ہے۔ رپورٹس کے مطابق پارک میں ہونے والے جھگڑے میں مائیکل کلارک کی دوسری قریبی دوست اور دیگر افراد مداخلت بھی کرتے ہیں کہ اسی دوران جیڈ یاربرو انہیں تھپڑ مار دیتی ہیں۔
"It's like a scene from Housos"
— Sunrise (@sunriseon7) January 18, 2023
Former Australian cricket captain Michael Clarke, as well as his former partner Pip Edwards, have released statements after a video showing Clarke being slapped by his girlfriend Jade Yarbrough at a Noosa park was released. #Sunriseon7 @mrpford pic.twitter.com/YrqC9EqRJV
غیرملکی میڈیا کے مطابق کوئنزلینڈ پولیس واقعے کی تحقیقات کر رہی ہے۔ اس جھگڑے سے متعلق آسٹریلوی رپورٹر کا کہنا ہے کہ مجھے لوگوں نے بتایا کہ معاملہ کچھ بھی ہو یہ جسمانی تشدد کا معاملہ ہے۔
