ماؤنٹ مانگنوئی: نیوزی لینڈ نے ویسٹ انڈیز کو تیسرے ٹیسٹ میچ میں شاندار کارکردگی کا مظاہرہ کرتے ہوئے 323 رنز سے شکست دے دی اور تین ٹیسٹ میچوں کی سیریز 0-2 سے اپنے نام کر لی۔
نیوزی لینڈ کی ٹیم نے ویسٹ انڈیز کو 462 رنز کا ہدف دیا، جس کے جواب میں مہمان ٹیم صرف 138 رنز پر آل آؤٹ ہو گئی۔ ویسٹ انڈیز کی جانب سے برینڈن کنگ نے 67 رنز کی ذمہ دارانہ اننگز کھیلی، تاہم باقی کھلاڑیوں میں سے کوئی بھی ڈبل فگر میں نہیں پہنچ سکا۔ جان کیمپبل 16 رنز بنا کر جلد ہی پویلین واپس لوٹ گئے۔
نیوزی لینڈ کی طرف سے جیکب ڈفی نے شاندار بولنگ کا مظاہرہ کرتے ہوئے 5 وکٹیں حاصل کیں جبکہ اعجاز پٹیل نے 3 وکٹیں لے کر ویسٹ انڈیز کے بیٹنگ لائن اپ کو مزید مشکلات میں ڈالا۔
پہلی اننگز میں نیوزی لینڈ نے 575 رنز بنا کر اننگز ڈکلیئر کی، جبکہ دوسری اننگز میں 2 وکٹوں پر 306 رنز بنا کر میچ ختم کر دیا۔ اس کے جواب میں ویسٹ انڈیز نے پہلی اننگز میں 420 رنز بنائے، مگر نیوزی لینڈ کی شاندار بولنگ کے سامنے ان کا بیٹنگ لائن اپ نہیں چل سکا۔
میچ کے اختتام پر نیوزی لینڈ کے اوپنر ڈیون کانوے کو "پلیئر آف دی میچ" قرار دیا گیا، جبکہ جیکب ڈفی کو شاندار کارکردگی پر "پلیئر آف دی سیریز" کا اعزاز ملا۔