ماسکو: کرملین کے ترجمان دمتری پیسکوف نے خبردار کرتے ہوئے کہا ہے کہ روس کے وجود کو خطرہ لاحق ہوا تو ایسی صورت میں ایٹمی ہتھیار کا استعمال کیا جا سکتا ہے۔
امریکی نشریاتی ادارے سی این این کو انٹرویو دیتے ہوئے ترجمان کرملین نے کہا کہ جوہری ہتھیاروں کو کب اور کیوں استعمال کیا جاتا ہے، اس سے متعلق تمام وجوہات آپ پڑھ سکتے ہیں۔ تاہم اگر روس کے وجود کو خطرہ لاحق ہوا تو پھر صرف ایسی صورتحال میں ممکنہ طور پر ایٹمی ہتھیاروں کا استعمال کریں گے۔
https://twitter.com/amanpour/status/1506346172977491978?s=20&t=mvNYEBFedQDO_2JRaNZ82A
واضح رہے کہ گزشتہ ماہ روس کے صدر ولادیمیر پوٹن نے بھی نیوکلیئر فورس کو ہائی الرٹ رہنے کا حکم دیا تھا جس کے بعد امریکہ سمیت یورپی ممالک نے پیوٹن کو سخت تنقید کا نشانہ بنایا تھا جبکہ امریکی صدر نے دلادمیر پیوٹن کو جنگی مجرم قرار دیا تھا۔