پشاور: وفاقی وزارت داخلہ نے خیبرپختونخوا حکومت سے افغان طلبہ کا ریکارڈ طلب کر لیا ہے۔ وزارت داخلہ کے فارن نیشنل سکیورٹی سیل نے سیکرٹری داخلہ خیبرپختونخوا کو خط لکھ کر صوبے میں زیر تعلیم افغان طلبہ کا ڈیٹا 27 مارچ تک ارسال کرنے کی ہدایت کی ہے۔
خط میں کہا گیا ہے کہ فارن نیشنل سکیورٹی سیل غیرملکیوں کے متعلق ڈیش بورڈ کو اپ ڈیٹ کر رہا ہے، اور اس مقصد کے لئے خیبرپختونخوا میں زیر تعلیم افغان طلبہ کا مکمل ریکارڈ طلب کیا گیا ہے۔
واضح رہے کہ وزارت داخلہ نے تمام افغان سٹیزن کارڈ ہولڈرز کو 31 مارچ تک پاکستان سے نکلنے کی ہدایت دی ہے اور ملک میں غیر قانونی طور پر مقیم غیر ملکیوں کو یکم اپریل سے ملک بدر کرنے کی وارننگ دی تھی۔