لاہور:مسلم لیگ ن کے صدر نواز شریف نے پمز ہسپتال میں آتشزدگی کے باعث 14 نومولود بچوں کے جاں بحق ہونے پر گہرے دکھ اور افسوس کا اظہار کیا ہے۔
ایکس پر جاری بیان میں نواز شریف نے کہا کہ معصوم بچوں کی اموات پر دل رنجیدہ ہے اور وہ غمزدہ والدین کے دکھ میں برابر کے شریک ہیں۔ انہوں نے لواحقین کے لیے صبر جمیل کی دعا کرتے ہوئے حکومت سے مطالبہ کیا کہ واقعے کے ذمہ داران کا تعین کرکے سخت کارروائی کی جائے۔
نواز شریف نے کہا کہ آئندہ ایسے افسوسناک واقعات کی روک تھام کے لیے مؤثر اقدامات کیے جائیں اور اسپتالوں میں حفاظتی انتظامات کو مزید بہتر بنایا جائے۔
پمز ہسپتال میں آتشزدگی کے سانحے میں 14 معصوم بچوں کے جاں بحق ہونے کی خبر سن کر دل رنجیدہ ہے۔ میں غمزدہ والدین کے غم میں برابر کا شریک ہوں۔ اللہ تعالیٰ لواحقین کو صبر جمیل عطا فرمائے۔ حکومت کو ذمہ داروں کا تعین کر کے سخت کارروائی کرنی چاہئے اور آئندہ ایسے واقعات کی روک تھام کو…
— Nawaz Sharif (@NawazSharifMNS) August 26, 2026
دوسری جانب وزیراعلیٰ پنجاب مریم نواز نے بھی پمز آتشزدگی پر گہرے دکھ اور افسوس کا اظہار کیا۔ انہوں نے کمشنرز اور ڈپٹی کمشنرز کو ہدایت کی کہ تمام ہسپتالوں میں آگ بجھانے والے آلات کی موجودگی، فعالیت اور دیگر حفاظتی انتظامات یقینی بنائے جائیں۔