اسلام آباد: پاکستان کے مختلف حصوں میں سردی کی شدت برقرار رہی، اور شمالی علاقوں میں درجہ حرارت نقطہ انجماد سے نیچے گر گیا۔ اس وقت ملک کے مختلف علاقے سرد اور خشک موسم سے متاثر ہیں، جبکہ بعض شمالی علاقے شدید سردی کی لپیٹ میں ہیں۔
اس حوالے سے، لیہ کا درجہ حرارت منفی 10 ڈگری سینٹی گریڈ، استور میں منفی 6، اور گوپس میں منفی 5 ریکارڈ کیا گیا۔ سکردو، ہنزہ اور قلات کا درجہ حرارت منفی 4 رہا، جبکہ کالام، گلگت، کوئٹہ اور دیر میں درجہ حرارت منفی 3 سینٹی گریڈ ریکارڈ کیا گیا۔
محکمہ موسمیات کے مطابق، آج بھی ملک کے بیشتر علاقے سرد اور خشک رہیں گے۔ شمالی علاقہ جات اور بلوچستان کے وسطی و جنوبی اضلاع میں مطلع جزوی ابر آلود رہنے کا امکان ہے۔ پنجاب اور بالائی سندھ کے میدانی اضلاع میں دھند پڑنے کا امکان ہے، جو کہ صبح کے اوقات میں مزید شدت اختیار کر سکتی ہے۔