کیوبا: کیوبا کی سیکیورٹی فورسز نے ایک امریکی رجسٹرڈ کشتی پر فائرنگ کر دی جس کے نتیجے میں 4 افراد ہلاک اور 6 زخمی ہو گئے۔ کیوبا کے حکام کے مطابق، یہ واقعہ اس وقت پیش آیا جب کشتی کیوبا کے پانیوں میں داخل ہوئی۔ فائرنگ کے بعد زخمیوں کو کشتی سے نکال کر ہسپتال منتقل کیا گیا، جبکہ اس واقعے کی تفتیش جاری ہے۔
امریکی وزیر خارجہ مارکو روبیو نے اس واقعے پر ردعمل دیتے ہوئے کہا کہ یہ امریکی کارروائی نہیں تھی اور نہ ہی اس میں امریکی حکومت کا کوئی اہلکار ملوث تھا۔ انہوں نے مزید کہا کہ کیوبا کی حکومت نے امریکا کو اس واقعے کی اطلاع دے دی ہے، اور ہوانا میں امریکی سفارتخانہ آزادانہ طور پر اس معاملے کی تصدیق کرے گا۔ روبیو نے اس طرح کے واقعات کو غیر معمولی قرار دیتے ہوئے کہا کہ کھلے سمندر میں فائرنگ کا یہ واقعہ انتہائی نادر ہے۔
یہ واقعہ اس وقت پیش آیا ہے جب کیوبا اور امریکا کے تعلقات میں کشیدگی عروج پر ہے، اور کسی ممکنہ تصادم کے خدشات بھی بڑھ گئے ہیں۔