کراچی : عالمی مالیاتی فنڈ (آئی ایم ایف) کے معاہدے کے مثبت اثرات پاکستان سٹاک مارکیٹ میں نظر آنا شروع ہو گئے ہیں۔ کاروباری ہفتے کے چوتھے روز پاکستان سٹاک ایکسچینج میں 1500 سے زائد پوائنٹس کا اضافہ ہوا، جس کے بعد ہنڈرڈ انڈیکس ایک لاکھ 18 ہزار 220 پوائنٹس کی سطح تک پہنچ گیا۔
اس سے پہلے، گزشتہ کاروباری دن کے اختتام پر سٹاک ایکسچینج میں انڈیکس میں 193 پوائنٹس کا اضافہ ہوا تھا اور یہ ایک لاکھ 16 ہزار 633 پوائنٹس پر بند ہوا تھا۔