پاک فوج قومی سلامتی کیلئے اپنا کردار ادا کرتی رہے گی: آرمی چیف جنرل قمر جاوید باجوہ

آئی ایس پی آر کے مطابق آرمی چیف جنرل قمر جاوید باجوہ نے جی ایچ کیو میں راولپنڈی گریژن کے افسروں سے خطاب کے دوران آپریشن ضرب عضب میں افسروں کی قربانیوں اور قائدانہ کردار کو قابل فخر قرار دیتے ہوئے کہا کہ پاک فوج قومی سلامتی کیلئے اپنا کردار ادا کرتی رہے گی۔آئی ایس پی آر کے مطابق آرمی چیف نے اپنے خطاب میں ادارے کی مضبوطی کے حوالے سے بھی افسران کے کردار کو سراہا  ان کا کہنا تھا کہ موجودہ حالات میں مسلح افواج بھرپور کردار ادا کر رہی ہیں ۔