کیلیفورنیا: دنیا بھر میں اینڈرائیڈ آپریٹنگ سسٹم پر چلنے والے اسمارٹ فونز کا استعمال سب سے زیادہ ہے، لیکن بہت سے صارفین کو یہ نہیں پتا ہوتا کہ اینڈرائیڈ فونز میں کچھ ایسی چھوٹی ٹِرکس بھی ہوتی ہیں جن سے فون کی رفتار کو بہتر بنایا جا سکتا ہے۔
اگر آپ کا فون پرانا یا سستا ہے اور اس کی رفتار سست محسوس ہوتی ہے، تو آپ ایک سادہ سی ٹِرک سے اسے تھوڑا تیز محسوس کر سکتے ہیں۔ اس کے لیے آپ کو فون کی انیمیشن اسکیل کو کم کرنا ہوگا۔
یہ کیسے کریں؟
ڈویلپر موڈ کو ان ایبل کریں:
سب سے پہلے آپ کو اپنے فون کے سیٹنگز میں جا کر "About Phone" (اباؤٹ فون) پر جانا ہوگا۔
پھر وہاں "Build Number" پر 7 بار کلک کریں۔ اس کے بعد آپ کو ایک پیغام ملے گا کہ "You are now a developer" (آپ اب ڈویلپر بن چکے ہیں)۔
ڈویلپر آپشنز میں جائیں:
اب آپ سیٹنگز میں "System" میں جائیں، پھر "Developer Options" پر کلک کریں۔
انیمیشن اسکیل کم کریں:
نیچے اسکرول کریں اور آپ کو تین آپشنز ملیں گے:
Window Animation Scale
Transition Animation Scale
Animator Duration Scale
ان سب کو 0.5x پر سیٹ کر دیں۔
یہ تبدیلیاں فون کی انیمیشن کی رفتار کو سست کر دیتی ہیں، جس سے فون تیز محسوس ہوتا ہے۔ حقیقت میں فون کی رفتار میں کوئی تبدیلی نہیں آئے گی، لیکن انیمیشن کی کم اسکیل کی وجہ سے فون کی رفتار زیادہ تیز لگے گی۔