کراچی: پاکستان کرکٹ ٹیم کے مایہ ناز سابق کپتان اور جارح مزاج بلے باز شاہد خان آفریدی نے کہا ہے کہ جلد صحت یاب ہو کر کوئٹہ گلیڈی ایٹرز کو جوائن کرنے کیلئے پرامید ہوں۔
تفصیلات کے مطابق شاہد خان آفریدی نے سماجی رابطوں کی ویب سائٹ ٹوئٹر پر جاری بیان میں لکھا ’بدقسمتی سے میرا کورونا وائرس کا ٹیسٹ مثبت آ گیا ہے مگر کوئی علامات ظاہر نہیں ہوئیں۔ انشاءاللہ بہت جلد صحت یاب ہونے اور ٹیسٹ منفی آنے کے بعد کوئٹہ گلیڈی ایٹرز کو جوائن کرنے کیلئے پرامید ہوں۔ پی ایس ایل کی تمام ٹیموں کیلئے نیک تمنائیں، میں اپنے آخری پی ایس ایل میں بہترین کارکردگی دینے کیلئے پرعزم ہوں۔‘
I have unfortunately tested positive but have no symptoms at all. InshALLAH hope to recover soon, test negative and rejoin QG as soon as possible. Good luck to all teams in #HBLPSL7 I'm committed to giving it my all in my last PSL edition. pic.twitter.com/wCiEb5laZS
— Shahid Afridi (@SAfridiOfficial) January 27, 2022
واضح رہے کہ شاہد خان آفریدی کمر میں انجری اور سالی کے انتقال کے بعد بائیو سیکیور ببل سے نکل گئے تھے اور اہل خانہ کیساتھ ملاقات کے بعد بائیو سیکیور ببل جوائن کرنے کیلئے واپس آئے تو ان کا کورونا وائرس کا ٹیسٹ مثبت آ گیا جس پر انہوں نے قرنطینہ اختیار کر لیا ہے۔