نیپرا نے ماہانہ فیول پرائس ایڈجسٹمنٹ کی مد میں بجلی مہنگی کرنے کی منظوری دیدی ۔
تفصیلات کے مطابق نیپرا نے ماہانہ فیول پرائس ایڈجسٹمنٹ کی مد میں بجلی کی فی یونٹ قیمت میں 9.36 پیسے اضافے کی منظوری دے دی ہے ۔ نیپرا کے مطابق بجلی کی قیمت میں اضافہ ستمبر کیلئے کیا گیا ہے ۔نیپرا ذرائع کے مطابق ستمبر میں ہائیڈل سے 34فیصد،کوئلے سے 11 فیصد بجلی پیدا کی گئی، ستمبر میں آر ایل این جی سے بجلی کی پیداوار 14 فیصد رہی۔
واضح رہے کہ سی پی پی اے کی جانب سے بجلی 20 پیسے فی یونٹ مہنگی کرنے کی درخواست کی گئی تھی ۔