راولپنڈی: آرمی چیف جنرل قمر جاوید باجوہ نے کہا ہے کہ پاکستان کو اس وقت مشکل معاشی حالات کا سامنا ہے اور قومی اہمیت کے امور پر کھل کر بات کرنے کی ضرورت ہے۔ معاشی خودمختاری کے بغیر ملکی استحکام ممکن نہیں۔
آئی ایس پی آر کے مطابق نیشنل ڈیفنس یونیورسٹی میں قومی معیشت پر سیمینار منعقد ہوا جس میں آرمی چیف جنرل قمر جاوید باجوہ نے بطور مہمان خصوصی شرکت کی۔
09974d6776f7544f9f9368e146eb4872
تقریب سے خطاب کے دوران آرمی چیف نے کہا کہ حکومتی اقدامات کی کامیابی کیلئے سب کو کردار ادا کرنا ہو گا اور اب ذمہ داریاں نبھانے کی ضرورت ہے۔ وقت آ گیا ہے سب کو ایک قوم بن کر سوچنا ہو گا۔ انھوں نے کہا کہ ملک کو مشکل معاشی حالات کا سامنا ہے اور معاشی خودمختاری کے بغیر آزادی کا کوئی تصور نہیں۔ قومی اہمیت کے امور پر کھل کر بات کرنے کی ضرورت ہے۔
