اسلام آباد: دنیا بھرکے مختلف ممالک سے گزشتہ3سال کے دوران2لاکھ66ہزارپاکستانیوں کو ڈی پورٹ کیا گیا جب کہ امریکا سے 339 پاکستانی ڈی پورٹ ہوئے۔
سعودی عرب سے سب سے زیادہ 1 لاکھ 39 ہزار 49، متحدہ عرب امارات سے 18 ہزار 476، برطانیہ 6 ہزار 939، امریکا سے 339، چین سے 133 اور عمان سے 7 ہزار 400 پاکستانیوں کو مختلف وجوہ پرملک بدر کیا گیا جبکہ پاناما سے 2016 میں 11پاکستانیوں کو نکالا گیا، ملائشیا سے10ہزار 505، ترکی سے5 ہزار121، یونان سے 4 ہزار 965، جنوبی افریقہ سے1369، تھائی لینڈ 880، روس سے 532، فرانس سے 444، بحرین سے 700، کویت سے368، ہانگ کانگ 200، جرمنی سے 449، سری لنکا سے413، بھارت سے 27، اسپین 242، آسٹریلیا 88، کینیڈ ا195، ایران سے175 پاکستانیوں کو ملک بدرکیا گیا۔
