حکومت کا عوام کو ریلیف فراہم کرنے کا عزم: پیٹرول کی قیمت میں کمی کی تجویز، ڈیزل کی قیمت مستحکم رکھنے کی کوششیں تیز

اسلام آباد: پیٹرولیم ڈویژن کو یکم فروری سے نافذ العمل ہونے والی قیمتوں کے حوالے سے ابتدائی تجاویز موصول ہوگئی ہیں۔ ذرائع کے مطابق اوگرا 31 جنوری کو باقاعدہ سمری وزارتِ خزانہ کو ارسال کرے گا۔    وزیراعظم کی منظوری: نئی قیمتوں کا حتمی اعلان وزیراعظم کی منظوری کے بعد کیا جائے گا۔
ٹرانسپورٹ اور زراعت کے لیے کلیدی اہمیت رکھنے والے ہائی سپیڈ ڈیزل کی قیمت میں 9 روپے 47 پیسے فی لیٹر اضافے کا امکان ہے۔ پیٹرول کی قیمت میں محض 36 پیسے فی لیٹر کمی کی تجویز دی گئی ہے،  مٹی کا تیل 3.69 روپے اور لائٹ ڈیزل 6.95 روپے فی لیٹر تک مہنگا ہو سکتا ہے۔
نئی قیمتیں یکم فروری سے 15 فروری تک نافذ العمل رہیں گی۔ عالمی مارکیٹ میں تیل کی قیمتوں کے تناظر میں ڈیزل کی قیمت میں اضافے کا دباؤ ہے، جبکہ پیٹرول کی قیمت مستحکم رہنے کی توقع ہے۔